巴黎迪士尼 不是沒有人去的嗎?

終於來到我最喜愛的地方

迪士尼是我的wonderland 我很喜愛它

置身於迪士尼 彷彿所有煩惱都被拋走

只有開心快樂 香港的迪士尼 最高紀錄我一年去了十一次!

來到巴黎 即使迪士尼不是一個很熱門的景點 但我這個迪士尼迷 點都要去朝聖吧!

來之前已在網上買了20週年的入場劵 50歐 現場買要70幾歐

到迪士尼要坐RER A線 上網睇過要買定來回票 因為回程可能會多人買

我跟售票員說 2 Return ticket to Disney 他給了我兩張票 14點幾歐

我心知 他只給了我2張single ticket 但我重覆跟他說要2 Return 他強調自己沒錯 算了 去了先算

十點幾 到了迪士尼 這裏分兩個park

一個係Disney Studio 一個係Disney Park

Disney Studio遊戲較刺激 過山車跳樓機 乜都有

但因排隊的人很多 閒閒地都排個鐘 我地都冇乜點玩 而且呢度係早D關門的

所以我地首先來了Studio玩

第一個 玩了個類似電影感受的遊戲

模疑太空的船爆炸 又有火又有煙又會震咁 有D似環球影城

跟住就去左睇個車show 有飄移 汽車特技咁

其中一部份係反斗車王裏面的車 叫做有D迪士尼元素 其餘的 都沒有

因為機動遊戲都要排很長隊 所以我們過左Disney Park睇下

終於看到了我熟悉的迪士尼 城堡 美國小鎮大街

這個城堡 仲可以上去的! 上去拍了幾張照

周圍行下 周圍影相 玩了兩個機動遊戲 一個係坐下車仔睇野 一個係過山車

回到了Studio 睇左個唐老鴨show 在香港迪士尼 我最喜歡就係睇show了

但這裏的 不好看 又悶

出來就等Studio的Parade 但只有不同的卡通人物坐在車上出來揮揮手 失望了

再看了個show 原來是disney channel的show 好多小朋友

但係我都冇睇過disney channel 唔係好明白

本來想排一個過山車玩下 不過真係等好耐 所以都冇玩到

過番Park o個邊 睇Parade

這個比較接近我心目中的disney parade! 不過 跳舞的人不夠多 都係香港的好睇

disney park有好多機動遊戲同香港的一樣 例如反斗其兵降傘 史迪仔 winnie the pooh等

咁我地就冇玩呢D 玩多左個過山車

再玩space mountain 這裏的space mountain比香港好玩! 上斜係衝上去的! 有360度轉

玩完本來想玩多次 但係我chok親條頸!

玩到散晒 七點幾了 我地就搵個地方 食晚飯

同香港一樣space mountain附近係有burger餐廳的

吃完晚餐 休息一陣 都九點幾了

距離十一點放煙花 仲有個幾鐘

去了小鎮大街行下街 買了少少Paris Disney獨有的souvenir

在小鎮大街坐下等煙花 累透了 玩了十二個鐘

好不容易等到十一點 我地盡量行前睇煙花

很多小朋友都睡了 爸媽辛苦的抱著他們 大家都累透了

這個煙花 很值得我們等得咁辛苦

因為它跟香港的很不同 不只是煙花

它還有幻燈的效果 將城堡變成了screen 打不同的燈上城堡

令城堡變化多端 一時是夢幻的公主城堡 一時是魔鬼城堡 一時是森林城堡 好靚好靚

睇完了 我地就衝出去搭RER回酒店 很怕沒有車

車站關了門 我們圍著車站走 沒有路進 很慌張 車站沒有一人

後來跟著人走 終於找到了小小的入口

已沒有售票員 人人都跨閘跳入月台 為了趕車 我們都跟著做

趕上了RER 就怕趕不上下一條線  我們安慰自己 至少能回到市中心 坐的士都冇咁金!

在市中心的站轉車 我們不停的趕

在一個轉角位 被職員查票 我的心很慌 見倒好多人被罰錢

夜晚應該好多人沒有買票吧

我死死地氣拿出今早的票 心想如果被challenge我就說不知道 售票員告訴我這是來回票

但他看了一看 見倒我們能拿出票來 就可以過了! 好彩!

可能他見我們是遊客 都不會騙他們吧 他們的目標是本地人

好彩趕上了回酒店的車 我都不知道是否尾班了

回得到酒店就好 累透的一天 酒店的沖涼房已關

只能抹抹身 就去睡覺了

遊走在巴黎市中心的一天

從Nottingham到Paris 坐了超過10小時的車 終於來到了!
Megabus下車的地方係 Porte Maillot Coach park
在附近找地鐵站 落地鐵站 因為係好長好高的樓梯 兩個女仔拎住個行李 真係有D難
而且Porte Maillot這個站很大 類似尖東+尖沙咀站 係火車同地鐵的交界 行好遠好多樓梯
我們才可以找到我們該去的地方上車
而且因為我地拎住個大行李 上落樓梯有D狼狽
有一次 我們合力拎住件行李時 有個女仔跟住我地想偷野
好彩我的朋友及時發現 啤住佢 佢扮冇野行開了
又有一個婆婆 用僅有的英文同我講pick-pocket 配合佢的表情同身體語言
我估佢應該係提醒我要小心pick-pocket 
朋友問我佢有冇同我有身體接觸 佢會唔會自己係pick-pocket 哈哈

我們買的票係一天票 好在買了一天票 因為Porte Maillot的火車同地鐵交界
係唔通的 要出入兩次 如果只買了單程票就浪費了 詳情請看巴黎地鐵篇

好不容易 到了我們的酒店的地鐵站 上地面時又有一個男子企O係地鐵站出口
好熱心咁衝落黎幫我地拎行李 因為我地知道來者不善 一口拒絕了他 我們相信佢要收錢的
找到了酒店 因為太早未能check-in 只可以放下行李 執整一下 又要出發了

我們首先到了凱旋門 因為打算在第三天才買museum pass

所以沒有上去 只在下面照相 然後沿著香榭利舍大道往大皇宮方向行

這條聞名的香榭利舍大道 兩旁全是名牌店 除了disney store 冇一間夠膽入去

還是行過 感受一下那份貴氣

走著走著 來到大皇宮 看見塞納河 走到橋邊影相

看見長椅 累透了的我們 坐下便睡著

回想一下 我們真的很大膽 在那麼危險的巴黎街頭睡著了

睡了一會兒 就入大皇宮參觀 大皇宮是不用錢的小小博物館

看完了 順道去個洗手間 就一路向羅浮宮方向行過去

途中經過 噴水池 還有個小圓湖 我們又坐在湖邊的椅子 睡著了

走著走著 就到了羅浮宮 不過星期一不開 而且又係等第三天的museum pass

只在外面拍個照 在附近的long champ專門店幫朋友買了個手袋

我們就返回酒店 check in上房 沖左個涼 訓左兩三個鐘

黃昏六七點再出發 去巴黎鐵塔看夜景

在鐵塔附近 找了一家chinese take away吃晚飯 再向鐵塔方向走去

晚上的巴黎鐵塔 開了燈 很美 影影下相 發現它在閃燈

原來晚上每正點係會閃燈的 很美很美

忍受不住它的美 我們決定了要買票上去看

鐵塔分三層 票價大致分為三個

最平的 係行樓梯上去 可以上到第二層

另外還有搭lift上去第二層

最貴的就係上到塔頂

我們選擇了搭lift上第二層 個人認為巴黎的建築物沒有很高

所以第二層已足夠看巴黎全景 所以上第二層罷了

坐lift上去 看下去 把巴黎看得很清楚

聽說巴黎夜景世界數一數二 但個人認為香港的夜景更美

夜景在於有很多燈 這裏的燈還不夠多

它美麗的地方是名勝景點都打了燈 與早上的景色又不同

看著看著 捨不得離開這美麗的鐵塔 我倆都是鐵塔迷 當然不捨得離開

巴黎的博物館証 (Museum Pass)

巴黎很多景點都需要購買入場劵 研究一番後
我最後決定了買2 Days Museum Pass





同場附加: 26歲以下的EU citizen 幾乎所有景點都不用錢
同行的朋友拿BNO而且只有24歲
另一位朋友之前去 雖拿HK passport 但係有英國的學生簽証佢都當佢係EU
可惜 我去巴黎的時候剛滿26歲 所以逃不過入場劵的命運

Paris Museum Pass (http://en.parismuseumpass.com/)
2日- 42歐
4日- 56歐
6日- 69歐
(最後更新: 23/1/2015)

2-6日必須連續使用 買了之後要寫開始使用日期同名
2-6日內免費無限入大約一共60個博物館或景點 而且減省排隊買票的時間
可根據自己想去的景點 計算一下到底單買入場劵平 定係Museum Pass平

我個人經驗 買了兩日的Museum Pass
因為我們想去羅浮宮(12歐) 凡爾賽宮(18歐) 凱旋門頂(9.5) 聖母院Tower(15歐)
已經54.5歐 所以我買了Museum Pass
最值得留意的係 你兩日到底去唔去得晒咁多地方呢
上次我地去到聖母院Tower 六點關門 我地五點半去到佢已經唔俾我上了 所以係蝕左
如果有多幾日O係巴黎 可以買四日 除左以上四個景點 仲有好多其他景點都包
基本上除了巴黎鐵塔 其他都包 詳情請看官網

http://en.parismuseumpass.com/rub-museums-monuments-by-name-5.htm

巴黎地鐵篇

第一次到巴黎係跟團去的 旅行團把我們放在百貨公司一整個下午
因為我地對名牌的興趣不大 見倒地鐵站本想買張票看看找個地方去
但係 一見倒個地鐵圖 複雜得令我地卻步了

第二次來巴黎 自由行的我們決要戰勝它
事先做了一翻研究 第一次搜尋 一定會見倒官方網站 http://www.parismetro.com/
一天的Metro Pass Zone1-3要成10幾歐 大家不要被騙 因為其實仲有好多其他票的選擇
想把搜集過的資料做個整理

整個巴黎的交通網絡 像倫敦一樣 分Zone的
最市中心係Zone1 一個個圓環咁擴展出去 最遠的有Zone 5
注意: Zone係交通網絡的分法 另外還有分區的 有成20個區

參考網頁: http://www.transilien.com/
所有票包括Metro RER bus tram
Metro和RER的分別 有D似香港以前的地鐵和火車
Metro的站在市中心 站與站之間比較接近 一共有14條線 以數字命名
RER可以去的地方相對較遠 例如去迪士尼會坐到RER 一共有4條線 以ABCD命名

怎樣買票 好視乎大家想去邊度
一般巴黎市中心的景點 都集中於Zone 1 to Zone 2

以下票價資料係2014年1月的 以網頁 http://www.transilien.com/為準
1. Ticket t+ (單程票)
一程用一張 中間可以包括Metro轉RER 但係Metro轉巴士就唔得啦 因為已經出左閘
1張 - 1.7歐 (Zone1-2)
10張 13.7歐 (Zone1-2)

2. Mobilis (一天票)
一日入任搭 Metro RER bus tram
Zone 1-2: 6.8歐
Zone 1-3: 9.05歐
Zone 1-4 11.2歐
Zone 1-5: 16.4歐

3. Ticket Jeunes (26歲以下人士, 星期六、日及公眾假期的一天票)
26歲以下人士, 星期六、日及公眾假期 一日入任搭 Metro RER bus tram
票上要寫名同日期 如果查票 要睇年齡証明
不能去Roissy Charles de Gaulle或Orly airports
Zone 1-3 3.75歐
Zone 1-5 8.1歐
Zone 3-5 4.75歐

4. Paris Visite (一天或數天觀光票)
可以買一天或連續數天 而且部份景點或觀光設施會有折扣
Zone 1-3 (1日)10.85歐 (2日)17.65歐 (3日)24.1歐 (4日)34.7歐
Zone 1-5 (1日)22.85歐 (2日)34.7歐 (3日)48.65歐 (4日)59.5歐
詳細優惠可查看 http://www.transilien.com/static/tarifs/paris-visite-avantages

我上次係每日買Mobilis(一天票)的
一張Mobilis等於4張單程票 只係等於來回兩程
好多時一日行逛咁多景點 又唔想成日計住計住 所以為方便都會買Mobilis
而且我地試過 唔小心坐多左個站 想過對面坐番轉頭係要出左閘再入閘
如果只買單程 又要再買飛了
雖然話可以一程又搭Metro又搭RER 但係有D站我試過Metro轉RER係要出閘再入閘的

點解冇買Paris Visite呢 因為我睇過佢有折扣的景點都唔係我太會去的
而且景點我選擇了買2-day Museum Pass (詳情請看Museum Pass)
加上我地有D日子只去Zone 1-2 有一日去迪士尼只需要來回 去凡爾賽宮又要去遠D咁
都係逐日買Mobilis冇咁麻煩

以上純屬個人建議 大家可因應自己的需要來買

浪漫巴黎的真面目 十大安全貼士

巴黎擁有著很多浪漫的名勝古蹟
巴黎鐵塔 羅浮宮 凡爾賽宮 凱旋門 聖母院 聖心堂等等
巴黎 還是名牌和甜品天堂

但是 當你去過巴黎 你就會發現 這個城市不是想像中的美好浪漫

小小貼士提點一下大家 到巴黎一定要注意
1. 巴黎小偷甚多 近幾年因為中國人帶很多現金去買名牌
所以小偷們專門針對中國人 所以香港人也要份外小心

2. 坐地鐵要特別小心 同伴最重要緊貼在一起
有陌生人跟你說話不要理啋 即使你的英文法文多好
請用廣東話回應他 表示你不懂就可以

3. 地鐵很多樓梯 有些人會主動幫你拿行李
千萬不要讓他拿 他會向你收錢的 唔俾錢會被捉住唔俾你走

4. 問路要找可信任的人
例如店內的人 酒店的接待員 地鐵職員等
有人主動帶路都不要隨便跟他走

5. 如同伴人數眾多 比較容易成為目標
切勿在公眾地方太招搖

6. 男士比女士應容易中招

7. 不要帶名牌手袋 有朋友的long champ袋被界

8. 景點和百貨公司小偷最多
密封式地方例如電梯要份外小心

9. 不要隨便找個路人幫忙拍照

10. 在巴黎的每分每秒都要提高警覺

雖然巴黎很危險,但也值得一生要去一次
因為那些名勝 真的很吸引

以上只係我去完巴黎的感覺 同大家分享一下
沒有鼓勵大家不去年因為我個人都很鍾愛巴黎的景點
只係想大家去得安全 玩得開心

如果你去過巴黎 有更多的安全貼士分享
歡迎提出 分享 討論

從倫敦出發到巴黎

終於出發去我這一年最後一個旅行了
下午五時多開始 從Nottingham坐車到London Victoria
雖然連續坐車會辛苦 不過勝在直去Victoria不用火車再轉Tube
而且平啲啦都係 哈哈其實我都未試過坐火車落倫敦 次次都係National Express

從倫敦到巴黎 基本上有三個選擇

1. 飛機 (http://www.skyscanner.com.hk/)
機程個幾鐘 但係又要早去機場 而且從市中心到機場都要時間
所以可能從倫敦市中心到巴黎市中心 都要四至六小時
但係坐飛機最貴 當時的價錢大約超過一百鎊

2. 歐洲之星 (http://www.eurostar.com/uk-en)
最快的選擇 因為從市中心到市中心
大約兩三小時 當時的價錢大約六七十鎊

3. 巴士 (http://uk.megabus.com/Default.aspx)
為了省錢 我們選擇了坐巴士
坐巴士22鎊 不過就要坐七八個鐘車
每日兩班車 朝早九點左右一班 夜晚十一點幾一班
十一點幾嗰班可以慳一晚酒店 朝早去到即可以玩
不過唔好以為可以訓一覺就到 其實係好辛苦架
從倫敦Victoria坐到去碼頭 車會上船 當車上左船乘客要落車在船上坐
坐兩個幾鐘左右就上番車 又坐多三四個鐘
而且車很滿 冇得一個人坐兩個位 都訓得幾辛苦
船上有cafe 舒服的凳好多時會俾人霸左 所以都辛苦架
而且七點幾到 雖然話可以即玩 但其實個人好累

為了省錢 冇辦法啦
俾我再揀 我都依然會選擇呢個方法
除了省錢 我覺得都係唔錯的體驗
第一次坐車上船 在船上 歐洲人們盡顯不怕髒的特色
在地上隨便訓 好得意忘形經常上車落車過關
而且我的護照上 多了一個船的蓋印
集齊了火車 船 飛機的印仔了