瑞典極光之旅的實用資料

聽說瑞典的Kiruna同Abisko係看極光地方中 交通最方便的
瑞典係一個很長的國家 從南到北 比歐洲大陸更長

Kiruna

Kiruna可以坐飛機或者坐火車去

從Stockholm出發 火車18小時 飛機1個多小時

有時倫敦也有飛機去 不過可能一星期得兩班機

Kiruna其實都係一個城市 不過得centre有野賣

tourist centre都係O個度 人都唔係好多

以我所知 有兩多最大的景點

一個係Ice Hotel (http://www.icehotel.se/)

另一個係礦洞 (http://www.kirunalapland.se/en/Essentials/LKAB-Visitor-Centre/)

我只去了Ice Hotel

Ice Hotel可住 亦可白天參觀 住很貴啦當然

白天參觀入場費$200幾倒

住一晚大家可能會擔心好凍 其實你O係度住 你有兩間房架

一間木屋房 有暖氣的 一間冰房 頂唔住可以番木屋訓

Ice Hotel旁邊有超大個湖 睇極光非常好

住宿Kiruna一般都係民宿 在booking.com就可以找到

睇極光要行上小小山 不過Kiruna始終算係城市 城市燈會比較多 所以要行得遠D

Abisko (http://www.visitabisko.com/)

Abisko距離Kiruna大約一個多小時的火車

係一個National Park 有森林 有湖 有山

比Kiruna更郊外 更空曠 所以看極光就更佳

Abisko基本上有個大湖 結冰後上面係一個大空地 晚上睇極光極佳

富貴一點可以坐纜車上山Aurora Sky Station睇 http://www.auroraskystation.com/

不過其實 只要 極光有出現 O係邊度睇都係差不多效果

Abisko住宿基本上得3間

在Abisko Turiststation站:*Aurora Sky Station在此站

Abisko Turiststation STF (http://www.svenskaturistforeningen.se/abisko.htm)

在Abisko Orsta站:

Abisko Guesthome (http://www.abiskoguesthouse.com/en/)

Abisko Mountain Lodge (http://www.abiskomountainlodge.se/)

我住Abisko Turiststation STF的 Lobby有個大窗對住個湖

可以在室內見倒有極光先衝出去都得

如果唔係零下廿幾度 等唔倒超過三粒鐘

玩樂有很多 可以坐Snow Mobi 滑冰 行山 坐雪犬拉車

不過全部都好貴啦對我來說

建議大家白天不要安排太早的活動

因為睇極光可能會等到好夜

其實極光晚晚都有

只係睇當晚天氣好唔好 有冇雲 夠唔夠黑 好似睇星星咁

大家可以上呢個Aurora Forecast睇下 http://www.aurora-service.eu/aurora-forecast/

希望大家都能看到極光

有機會我都想再去一次

温暖的家在等著我 (瑞典極光之旅第五天)

一早到達Stockholm 終於捱過了二十小時的火車
為了省下一點放包的錢 背著大背包 在Stockholm自己一個周圍行
慢慢地欣賞 這個城市

鴨和天鵝在英國見好多 但在冰塊上行走坐著的 第一次見
好可愛呀佢地

話說 因為我帶齊了所有乾糧 交通住宿全部預先俾左錢
我只帶了大約四百蚊港幣來五天的瑞典極光之旅 哈哈
歐洲我經常吃的 就係這個cheese burger 通常1歐1個 大約十蚊吧
係又好味 又係熱食 又平的選擇 為了慶祝自己完成旅程的勇氣
用餘下的錢 買了朱古力新地獎勵自己 再剩下去廁所的10蚊 XD

之後就坐車去機場 番去London Stansted

再坐車番去Nottingham 在London轉車 要等一個鐘
夜深了 十點幾 四周沒有甚麼 巴士站要等的位置都沒有
在附近找到了一間KFC坐下
很多homeless的人 其實我很怕 很想早點回家 等了很久才等到了回Nottingham的巴士

回到Nottingham 為了慳錢嘛
行了十五分鐘上市中心等一個小時一班的通宵巴士
原本應該1:15的巴士 1:30也沒有到
沒有辦法之下也要去搭的士 那架衰的士仲同我兜路

回到宿舍 慶幸有兩位朋友仔在等我
煮了豐富的宵夜給我吃 回到家的感覺真好 有人陪伴的感覺真好

沒有遺憾 只有反思 (瑞典極光之旅第四天)

今早起床 吃了點乾糧 托Jeff的福 有得入餐廳食早餐
哈哈因為佢的收費包括了早餐 但佢入左去食發現原來有人check野的
所以佢就叫我入去一齊食 yeahh! =))

本來打算坐吊車上山望下的 日頭坐吊車比夜晚平幾倍
因為夜晚山上是最佳欣賞極光的地點
原本我打算慳錢沒有想上去的 但Jeff想上 傻傻的他話幫我出一半錢
哈哈 最後卻因為天氣不是太好 我們沒有上去


搵左條山路行下 其實四圍都係雪同樹 哈哈

大家平日見倒很多雪花形狀的圖案 但係有親眼看過真正的雪花吧?
滿地的白雪 細心留意一下 雪 真是花形的 晶瑩通透 很美很美

之後Jeff比我早一班火車回Stockholm
煮左lunch食左之後 一個人踏上火車站
開始20小時的火車旅程番去Stockholm了

20小時很難捱 這程沒有了擔心 因為我的行程順利完成了
但卻因為昨晚同那幾個香港人的對話 令我想很多
一個人去旅行可以有時間靜思 去享受每一刻 自由地想去邊就去邊
卻沒有人跟我分享旅程 沒有人跟我分擔擔心

無論如何 今次一個人的旅行都是很好的經歷
不是一個人 我不會認識那麼多不同國家的朋友
不是一個人 我不會知道自己的勇氣可以那麼大
不是一個人 我不知道同伴的重要

陌生知心朋友 (瑞典極光之旅第三天)

今日起身 在Kiruna再到處行下
陽光普照 太陽曬下來很温暖 閃令令的白雪 軟棉棉的
真的很美 一個人慢慢行著 享受著一個人的浪漫

十二點幾 就同德國的朋友一齊去搭火車北上Abisko
Abisko只有兩家hostel 在兩個火車站
我跟她 住在不同的hostel 本來約定了夜晚再一起看極光的
但最後因為太遠 她沒有過來

到了Abisko的火車站 一下車 四周望一望有沒有隻身的旅行人
就見倒一個應該係Chinese的男仔 Jeff 對望 笑一笑 我就問他一句 Where are you from?
原來他是澳洲人 不過爸爸是香港人 識講廣東話 不過 我地基本上好多時講英文
當你隻身一人在外面 遇到同自己差不多年紀 同一種族 有共同的語言 有聊不完的話題時
心裏的安全感很大 除了有人陪我去睇極光 在Abisko的所有行程 都有一個人在身邊

check-in後 我們一起去了探路 在還有日光的時候看看今晚去睇極光的路怎樣行
這裏的路比較難行 雪比較滑 而且很荒蕪 只有樹和雪

行到了一片大空地 原本應該是一個湖來的 但卻結了厚厚的冰 可以在上面行
走在中間拍照 雖然見倒有電單車在上面行 但都好怕會突然間跌落去 哈哈

慢慢行番去 休息一陣 沖個涼 煮左個飯食
入黑了就準備出番去個湖度等極光
Abisko比Kiruna更郊外 一點城市的燈光都沒有
路很黑 幸好我有個小電筒
坦白說 如果沒有人陪我行這段路 我一定會行行下喊出黎
那種叫天不應 叫地不聞 又凍又黑 的感覺 很可怕
我真的很幸運 能夠遇到個友人一齊行

我們在湖上等了大約半小時
星星都看不到很多 今晚的天色不是太好 都沒有太多人在等
所以我們都回去了 回去hostel暖暖的等

回到hostel見倒四個香港人 我們坐下來傾左一陣偈
他們說原來琴晚一點幾的時候極光係最光最靚的
佢地上左山睇都睇不到很多 反而番hostel時抬頭就睇倒了
聽倒佢地咁講有D遺憾 點解我地琴晚唔等耐D
但係 其實我地琴晚已經盡全力了 在外面三小時已經頂盡了
而且我也看到 可能只係冇咁光jie 只要自己盡力了 就不用後悔 不要去羨慕別人

傾傾下 佢地問我D背景 講起 我係社工 在英國讀counselling
第一句他就問 有咩用架讀完 我心想 現實的香港人
之後他們問起Jeff的背景 他是個醫科學生 那幾個香港人態度立即不同 唉 現實的香港人
 相比之下 我感覺很被他們看不起
來英國讀書 一直都是我引以自豪的事 因為係我自己一手一腳去創造建立的
我身邊的人都很支持我 從來的意見都是正面的 所以這個現實的態度 好似一野扑落黎咁

再來 他們在說他們在這裏的行程 他們坐飛機上來
他們有住ice hotel 有玩所有很貴的玩意 例如雪上電單車 狗扑雪橇等等
相比之下 我的旅行很辛苦吧
令我不禁在胡思亂想 這一年我花了三十多萬過來
其實我可以去幾個好豪華好舒服的旅行 點解我要咁辛苦呢 值得嗎

同佢地傾完 我同Jeff找了個窗邊的位置 望著窗外等極光
有很多人在一起等 傾住偈的 暖暖的
同外國人傾偈同香港人好唔同 冇咁現實 我們都在談極光的浪漫
其中一個人 他說他在想像極光在雲後面很亮的飄舞著
又有一個人 他說他在這裏住了十晚 為的就是等那極光 他看到了三晚
我們等到一點多 就放棄了 回房間睡了

同房的有一個新加坡人 他一個人從新加坡過來
他說兩三年前他來了北歐十天 一天也看不到
昨晚是他第一晚到 就看到了 他很開心 他之後會到芬蘭看 不過至少 他看到了
所以 其實我也算是幸運吧
我第一次來 我不用在工作中請假 誇過半個地球 第一晚就看到了
還能遺憾甚麼

極光星空的浪漫 (瑞典極光之旅第二天)

好不容易到了充滿白雪的Kiruna
火車站很簡陋 就這樣 一出車門 厚厚的白雪 很冷

藍天配上白雪 很美 很美

白雪閃閃的 很美 很美

踏上去軟軟的 很舒服

一個人 沒有地圖 到處沒有街名 人都冇多個 四周只有白雪
找了一陣子 問了幾個我認為是本地人的人 終於找到了訂好了的民宿
到了又沒有人應門 真的有點擔心
好在有個住客開門給我 打了電話給民宿主人 她安排了我到一間四人房
放下東西就煮即食意粉食 民宿有三個Singapore人在吃飯
一個人嘛 大膽的開口問人地會去邊 今晚會否去看極光
她們也有計劃去看 Ice hotel 也是我計劃中的一項
跟她們約定了在巴士站等

吃飽了自己一個人出去行一陣 去了市中心 找了遊客中心
拿了個地圖 去了個教堂影下相 找找巴士站
一個人 可以說自由 也可以說孤獨 沒有人跟我分享 一切只能在心中

樹枝上佈滿了白雪 就像迪士尼的卡通中
小動物A佻皮的動一動樹枝 把樹枝上的雪弄下來蓋著下面的小動物B
那個只有在電視中看到的場面 終於展現在我眼前
雪英國也有 以前在韓國也有滑雪
不過 如此厚厚的純白雪 沒有一點灰灰的髒 配上藍天 白雪上好像有銀粉在上面閃閃的
很美很美 只係踏在白雪上 望著白雪 輕輕的摸摸它們
我相信我可以在這裏留一個星期也看不厭

看到白雪的平滑 總是忍不住破壞它們的平滑
好好玩 好美好美

在巴士站 等了一會兒 等到了三個Singapore人 一同搭巴士到Ice hotel
到了我們便分開行 要買票才可以入去參觀Ice hotel 咁遠黎到 點都要入去啦

這是酒店的門口 成間都係用冰起的

在酒店外行左一陣
到處都是冰和白雪 還有一些冰雕
因為酒店每天下午都有冰雕班俾住客玩 不過冰雕不可帶回家 會溶啦! 哈哈

在外面行了一陣 就入去冰酒店參觀啦!
門是木做的 外面包著動物的皮 透明的冰磚造成了外牆



一入到去 左面便是冰酒吧
酒吧是有西方人就有的地方 所以這間酒店 除了房間 便是酒吧
吧枱 是用冰做的




吊燈是用冰做的


酒杯也是冰做的 這是香檳杯 還有普通杯
我很懷欵 冰做的杯 放入咀飲的時候會痴住咀唇嗎? 哈哈
酒吧說你可以拿走這個杯做紀念品 但你拿得了回家嗎? 哈哈
另外仲有一重大發現 Menu裏係有熱飲的 有Hot Chocolate賣  也是用冰杯裝的
我很好奇 到底是朱古力先變冰 還是杯先熔呢 哈哈

冰酒吧內的凳 都有墊的 如果唔係應該冇人坐吧

參觀完冰酒吧 仲可以入房參觀
房間內的床 枱 凳都係冰 床上有床墊

有部份的房係有主題的 每間不同 好多都好靚
我最喜歡的 是這間以花做主題的房間

入住冰酒店其實係有兩間房的 有一間木屋在外面 有暖氣的 好似普通酒店
也有冰房間 有超厚的連身衫 好似外星人咁 晚上六點後可以開始入自己的冰房
因為六點前係開放俾日間參觀的人參觀的
這間冰酒店 每年只有冬天的時候才有 夏天冰會溶掉
每年都要重新起過 所以每年房間的主題都不同 好特別呀!
不過 聽講 住要四千幾蚊港幣一晚呀 所以 我都係參觀下算了
http://www.icehotel.com/

我參觀完後 在外面還有一間冰教堂 有人在裏面行禮
新娘的婚紗厚厚的 哈哈零下十幾度呢 沒有可能還露膞吧
冰教堂內一排一排的凳 牆壁 柱子 都是用冰做的


這是教堂的講台 也是用冰做的

酒店外還有個冰湖 很空擴的位置 可以玩冰上電單車 晚上看極光的最佳位置

夏天冰酒店雖然會溶掉 但木屋依然會接待住客

冰雪溶化 這個湖就變成了玩水上活動的旅遊景點

而且夏天有午夜太陽看 冬天夏天都有賣點 所以不用擔心冰酒店只可做冬天生意啦

不捨得離開這美麗的地方 等到最後一班巴士才走 是晚上六點十五分
一個人在等巴士 又凍 又冇乜車 冇乜人 真的很擔心
巴士會不來嗎 我要在這裏過夜嗎 我那有錢 我要坐的士嗎 我那有錢 那有的士
巴士遲了五分鐘 終於到了 好彩

回到民宿 煮了野食 約定了民宿的三個Singapore人和一個德國女仔一齊去看極光
我的房間我一個女仔同三個大男人 所以民宿主人給了我另一個房間 自己一個人一間房 =)

沖完涼 就外出看極光 好彩跟住Singapore人 佢好似好熟路咁
行左半個鐘上山 零下廿度 真係好凍
找到一個地方 黑黑地 睇倒少少極光了! 原來肉眼看比拍照暗
因為照相係曝光曝好耐的 有啲半分鐘 有啲一分鐘
我的腳架在Naples被可惡的機場安檢收了
所以在出發前在Amazon買了一個cheap cheap地的用住先 拍出來的 難免有D震
有時個天光光地不肯定係唔係極光 要用相機影下先知係唔係

影完了一個位置 再行個高D的位置
一路行一路有好多人跟住我地 大家一齊都係去睇極光

這張與極光的合照 極光沒有很強 也拍得我很醜 但這是唯一的合照
是我的勇敢的証明

影相要除下手套 超冰 超凍 在外面三個鐘 真係好凍
不過 很值得 我看到了極光 有綠色 有紫色的 雖然唔係好光
但係聽Singapore人講前兩晚天氣都不好所以看不到
我第一晚黎就睇倒我就已經好心滿意足了

大約十一點幾番番民宿 睡覺了
一個人的旅行 就是要找同伴 如果今晚我自己一人 我真係唔知點算好
我點搵地方睇極光 甚至極光出現了我也不知道