歐洲內的廉價航空公司 最大的有兩家 ryan air同easyjet
在英國的一年 去了12趟出國旅行 每次都係坐呢兩家的飛機
一共坐了14次ryan air 9次easyjet 有小小心得 同大家分享一下
坐平價航空公司 同平時香港人坐慣的很不同
1. 機場位置
ryanair飛的地點通常都係細機場 有時even成個機場只有ryanair的飛機
所以位置通常會距離市中心很遠 要坐個幾兩個鐘車先出倒市中心
easyjet就細機場大機場都有 在大機場多 所以出市中心的交通亦會比較方便
兩家航空公司的航線好多時都不一樣 所以選擇邊間公司 其實係在於你從邊度去邊度 多於價錢
2. 機票價錢
機票顯示價錢已包括所有稅項燃油附加費
不像香港訂的機票 票價和稅項燃油附加費等分開
3. 行李限制
機票 只包括一件手提行李 沒有包括寄倉行李 通常要分開買
買機票的時候一齊買行李係最平的 價錢大約15至40鎊
網上check-in的時候買會貴D 40至60鎊
去到check-in先買最貴 ryanair要100歐 easyjet平D 大約60歐
手提行李size很嚴格 2013年我去的時候 只可以一件
小袋也不可以 一定要放入手提行李內
不過最近上網睇過好似又可以有小袋了
easyjet 手提行李1件(56X45X25cm) 小袋(50X40X20cm)
ryanair 手提行李1件(55X40X20cm) 小袋(35X20X20cm)
*只供參考 請以官方網頁為準
行李size包括所有手把同輪子 上機check機票時有個鐵架
如果佢覺得你可能會超過規定的size 佢會要你塞入個架
很多人的行李可能會漲左小小 差小小 大力D塞倒入去就得 唔可以突出黎
個size係根據飛機座位上的行李架 如果你個行李係O岩O岩好 放上去真係剛剛好關倒門
手提行李easyjet沒有重量限制 只要size可以塞入鐵架已可以
ryanair有10kg的限制 但係通常係唔會磅你的行李
我去咁多次 只係俾人磅過兩次 一次Berlin Schonefeld 一次Venice Treviso
兩次都超重 但係聰明的我們都逃過了要俾行李錢 詳情請看德國同郵輪之旅
4. 自己印機票
通常買了機票 系統會叫你大約出發兩星期前網上check-in
check-in後會有機票 要自己印出黎 一定要單面A4 size 黑白都可以
不像香港上機帶本passport就行得 冇機票上不到機
5. Ryanair要蓋印 Visa Check
一般EU人 如果只有手提行李 沒有寄倉行李
可以不用在counter check-in 拎住機票手提行李直接入security check 去閘口 上機就可以
但係如果你係non-EU ryanair要你一定要去check-in counter
佢會幫你check下你的passport 睇下你有冇目的地國家的visa
香港passport大部份EU國家都不用visa的 但係因為passport上有寫china
所以佢地通常check好耐甚至質疑你沒有visa
check完佢會蓋個visa check印去你的機票 之後就可以去security再去上機了
記住一定要去蓋印 有一位台灣朋友試過因為冇蓋印
在閘口唔俾佢上機 即使佢係唔需要visa入境的
結果那一班飛機真的不能上 要買過第二張機票上下一班機
如果你係拎BNO的話 都去check-in counter問一問 千祈唔好駁
雖然BNO的封面同一般英國護照冇分別 但你的nationality一欄係寫British(Overseas)
有時有人識睇 有時D人唔識睇真的以為你係英國人
朋友試過在check-in counter想蓋印 但O個個人堅持佢係British passport不用
但有時那些人又會蓋給她 為免有上唔倒機的機會 所以建議即使你係BNO 都去counter叫佢蓋印
easyjet不用蓋印 如果只有手提行李
拎住機票手提行李直接入security check 去閘口 上機就可以
上機的閘口職員會幫你打電話去check
6. 提早上機
入左閘之後 要經常留意資料版 睇下佢幾時出gate number
一出就要盡快行去閘口排隊 可能要排30-45分鐘先有得上機 但係都一定要排
為甚麼? 一般在香港搭飛機會諗 又唔會冇位 咁早上去咪又係坐
但係 廉價航空不同 Ryanair是沒有劃位的(揀位要俾錢) 越早上機 就可以揀位
遲上機可能只剩下單丁位 不能與同伴坐
easyjet有劃位 check-in時自動分派位置 揀位亦係要俾錢
但係 因為大部份人都只係會帶手提行李 行李架係會塞爆
如果遲上機 你的行李會冇位 然後可能會被空姐空少分派去一個唔知咩位
同你距離很遠 甚至夾硬塞入凳底 令你坐得很辛苦
所以 以我經驗 即使要提早排隊可能會辛苦D 要企好耐 但都一定要盡早排
7. 行上機
香港人習慣了有條管行入飛機 有時有機會要坐巴士出去先會自己行上飛機
但係ryanair大部份都係行上機的 easyjet一時時 如果在大機場有時都會有管道
如果係行上機 個人建議如果有開後門 選擇從後門上機 通常人會較少
同埋可以選擇的位置會較多
8. 自己放行李
買機票的時候大家可能會留意不到 佢有寫明你的行李自己一定要有能力放上行李架
空少空姐係真係會企O係度唔幫你的 我試過真的很重 附近的乘客幫我 空少空姐都唔幫我
9. 沒有電視 飲品食物報紙全部要錢
我們平日都習慣了飛機有野飲有小食有飛機餐有報紙睇
但係在廉價航空上 所有以上的東西都要錢的
見倒派報紙不要伸手拎 要錢的 見倒餐車不是隨便說要甚麼 要錢的
唯一不用錢可以拿的 就係一上機佢會有本menu 野食野飲的menu 有晒價錢
熱野要試先order 乾糧野飲可以餐車到時先order
Ryan air
http://www.ryanair.com/
Easyjet
http://www.easyjet.com/EN
Skyscanner呢個網頁幾好 可以格價
好多格價的網頁都沒有包括ryanair和easyjet 但這個有
http://www.skyscanner.com.hk/
No comments:
Post a Comment